გაწევრიანდით ჩვენი ბრენდის ქვეშ
30. ნოემბერი 2022
30 ნოემბერს, 2022 საქართველოში ოფიციალური ვიზიტით მსოფლიოს უმსხვილესი კრიპტობირჟის, Binance-ის დამფუძნებელი და აღმასრულებელი დირექტორი, ჩანგპენგ ჟაო იმყოფებოდა
ჩანგპენგ ჟაომ კრიპტოვალუტით ვაჭრობით დაინტერესებულ საზოგადოებასთან რიგით მეორე შეხვედრა თბილისში გამართა, სადაც 300 მდე მეტ ქართველს შანსი მიეცა გაეცნო ინფორმაცია კრიპტოს და Web3 მომავლის შესახებ
ბლოგი და ახალი ამბები
მსოფლიოს უმსხვილესი ბლოკჩეინ ეკოსისტემისა და კრიპტოვალუტის ინფრასტრუქტურის წამყვანი კომპანიის, Binance-ის დამფუძნებელმა და აღმასრულებელმა დირექტორმა, ჩანგპენგ ჟაომ კრიპტოვალუტით ვაჭრობით დაინტერესებულ საზოგადოებასთან რიგით მეორე შეხვედრა თბილისში გამართა, სადაც 300 მდე მეტ ქართველს შანსი მიეცა გაეცნო ინფორმაცია კრიპტოს და Web3 მომავლის შესახებ. საქართველოში კრიპტოვალუტის მიმართ ინტერესი მზარდია, მნიშვნელოვანია, რომ საქართველოს კანონმდებლობა კრიპტობირჟის რეგულირებისთვის მზად არის. გარდა ამისა, Binance განიხილავს ქართული საინვესტიციო შესაძლებლობების შესწავლას აღნიშნა, რომ საქართველოში ოფისი აუცილებლად ექნება.
კონსიერჟ თბილისმა Binance-ის გუნდს ბიზნეს კონსიერჟის და კონსიერჟ მოგზაურობების მომსახურება გაუწია. ჩვენი გუნდი თანამშრომლობს უშუალოდ კლიენტთან და მათ პერსონალთან, რათა უზრუნველჰყოს უმაღლესი კლასის მომსახურება, საქმიანი მოგზაურობის, უნიკალური გამოცდილების ორგანიზება საქართველოში, სასტუმრო მომსახურების, შეხვედრების ადგილის შერჩევის, ადგილზე პერსონალის უზრუნველყოფისა და სხვა ნებისმიერი ბიზნეს საჭიროების დასაკმაყოფილებლად.
აღსანიშნავია, რომ ოფიციალური ვიზიტის ფარგლებში ჩანგპენგ ჟაოს საქართველოს პრემიერ-მინისტრი ირაკლი ღარიბაშვილი შეხვდა. შეხვედრაზე ხაზი გაესვა საქართველოს თანამედროვე ფინანსური ტექნოლოგიების ჰაბად პოზიციონირებას, საქართველოს სტრატეგიულ მდებარეობასა და ინოვაციებზე ორიენტირებულ მთავრობას. აღინიშნა ქვეყნის სტაბილური და ხელსაყრელი ბიზნესგარემო, რომელიც ინვესტორებს მნიშვნელოვან შესაძლებლობებს სთავაზობს.
ამასთან, დაანონსდა რეგიონის მასშტაბით უპრეცედენტო თანამშრომლობა, რომლის მხარეებიც არიან, ერთი მხრივ, მსოფლიოს წამყვანი კრიპტოვალუტისა და ბლოკჩეინ ინფრასტრუქტურის პროვაიდერი ბაინანსი და, მეორე მხრივ, რეგიონის ლიდერი საფინანსო ინსტიტუტი და წამყვანი ტექნოლოგიური კომპანია - თიბისი. ორი დიდი ბრენდის თანამშრომლობა მნიშვნელოვნად შეუწყობს ხელს ვირტუალური აქტივების ბაზრისა და ციფრული ეკოსისტემის განვითარებას, როგორც საქართველოში, ისე მთლიანად კავკასიის რეგიონში. საფინანსო რეგულაციებთან შესაბამისობის თვალსაზისით, ბაინანსი კრიპტოინდუსტრიის უდავო ლიდერია. კომპანია იცავს გლობალურ სანქციებს, ფულის გათეთრების წინააღმდეგ ბრძოლის (AML) პრინციპებს და პროაქტიულად იყენებს საეჭვო ანგარიშებისა და თაღლითური ოპერაციების ამოცნობის მექანიზმებს. დაცვის ამ მექანიზმებისა და რეგულაციებთან შესაბამისობის პროგრამის გათვალისწინებით, ბაინანსი თიბისისთვის სანდო და სტაბილური პარტნიორია, რომელიც ქართველ მომხმარებელს მაქსიმალურად უსაფრთხო და დაცულ გარემოს შეუქმნის კრიპტოსავალუტო ოპერაციების განსახორციელებლად.
მსოფლიოში უდიდეს კრიპტოვალუტის ბირჟას – Binance-ს შვილობილი კომპანიები მსოფლიოს არაერთ ქვეყანაში, მათ შორის, ესპანეთში, იტალიაში, საფრანგეთში, ბაჰრეინსა და არაბთა გაერთიანებულ საამიროებში აქვს. ფორბსის მონაცემებით, ჩანგპენგ ჟაოს ქონება 17,4 მილიარდ დოლარს შეადგენს.
ინფორმაციის წყარო www.bm.ge
დაკავშირებული ბლოგი
-
დააკვირდი კოსმოსს საქართველოდან
აბასთუმანი, ადგილი, საიდანაც ჩვენი გალაქტიკა ყველაზე უკეთ მოჩანს) -
Top 3 Places for Boosting Your Immune System
Georgia’s well-earned reputation for world’s one of the COVID-19 safest countries, gives us a unique opportunity to start hosting international visitors from July 1, 2020) -
5 რამ, რაც დროის ეფექტურად გამოყენებაში გვიშლის ხელს
ხუთი ყველაზე მეტად გავრცელებული ჩვევა, რომელიც უამრავ დროს გვაკარგვინებს და ჩვენს საქმიანობაზე ცუდად აისახება) -
აბასთუმნის უნიკალური კლიმატი ორგანიზმისა და გონების გაჯანსაღებისათვის
თუ თქვენი ორგანიზმი დასუსტებულია და გრძნობთ იმუნური სისტემის გაჯანსაღების საჭიროებას, მაშინ აბასთუმანი საუკეთესო ადგილია Covid-19-ის შემდგომი რეაბილიტაციისათვის.)